འཇམ་དབྱངས་འཕྲིན་ལས་ནས་བྲིས་སོ།།
མི་ངན་བཤད་པའི་གཏམ་ལ་མགོ་འཁོར་ནས།
དུས་རྣམ་ཀུན་ཏུ་དེ་འདྲར་གནས་པ་ན།
ནམ་ཞིག་སྙིང་ནས་འགྱོད་པའི་དུས་ཞིག་ཤར།
དེ་དུས་འགྱོད་ཀྱང་བཅོས་པ་ཤིན་ཏུ་དཀའ།
གངས་ཅན་ལྗོངས་ཀྱི་ན་གཞོན་ཚོ།
ཤེས་བྱ་ཀུན་ལ་འབད་བརྩོན་བྱོས།
ཕྱོགས་བཞི་གང་དུ་སོང་ཡང་བརྟན།
ནང་པའི་ཆོས་ལ་འབད་ན་དགེ
གངས་ཅན་རང་དབང་བར་དུ་ནི།
ཆོལ་གསུམ་བོད་རིགས་སྤུན་ཟླ་ཚོས།
ཆགས་སྡང་སོགས་ལ་མ་འཁོར་བར།
རིག་གནས་ཀུན་ལ་སྦྱོངས་པར་མཛོད།།
No comments:
Post a Comment