དབུ་གསར་བློ་བཟང་རྡོ་རྗེ་ནས་བྲིས་སོ།།
སྔོན་རྒྱ་གར་གྱི་མཛེས་སྡུག་ལྡན་པའིཕྱི་རོལ་དྲང་སྲོང་གི་ཡུལ་ཞིག་ལ། དྲང་སྲོང་གི་སློབ་དཔོན་སྙན་གྲགས་ ཅན་ལི་ལྦན་ཟེར་བ་ཞིག་ལ། སློབ་མ་སྐར་ཚོགས་ལྟར་ཡོད་པའི་ནང་ནས། སུ་ལ་ཤ་ཟེར་བ་དེ་སློབ་མ་གཙོ་བོ་ དང་། སུ་ལ་ཤ་ནི་དབང་པོ་དང་རིག་རྩལ་རྣོ་ཞིང་གཟུགས་སྟོབས་ཆེ་བ། ལུས་རྩལ་འགྲན་ཟླ་བྲལ་ཞིང་ཡུལ་ མི་རྣམས་ཀྱི་ཀྱང་བསྔགས་བརྗོད་བྱེད་སའི་ཤེས་འཇོན་གཉིས་ལྡན་གྱི་སློབ་མ་ཞིག་ཡོད། རང་ཉིད་སློབ་ དཔོན་ལ་གུས་པ་དང་བརྩི་བཀུར་ནི་ཧ་ཅང་གི་ཆེ་ལ་སློབ་དཔོན་གྱིས་ཀྱང་གདམས་ངག་དང་གསང་ མཚན་ཆོས་ཇི་འདྲ་ཞིག་བསྟོན་ཀྱང་ཐུགས་སུ་མ་ཆུད་པ་མེད་པས། སློབ་དཔོན་ཐུགས་ཤིན་ཏུ་མཉེས་ཤིང་། དཔོན་སློབ་གཉིས་ཀ་ཕན་ཚུན་དམ་ཚིག་གཙང་ཞིང་བརྩེ་གདུང་ཡང་ཆེ་བས། ཁྱིམ་ཚང་ཞིག་གི་ནང་མི་མཛའ་བརྩེ་ཤིན་ཏུ་ཆེ་བ་ཞིག་ལས་ཀྱང་། ཁོང་གཉིས་ཀྱི་མཛའ་བརྩེ་ནིོ་རི་བོ་ལས་ ཀྱང་དཔང་མཐོ། རྒྱ་མཚོ་ལས་ཀྱང་གཏིང་ཟབ་ཅིང་དེའི་མཐུ་
ལས་ཡུལ་མི་རྣམས་ཀྱང་མཛའ་བརྩེ་དང་བདེ་ སྐྱིད་ཀྱི་དཔལ་ལ་རོལ་ཞིང་གནས། ཉིན་གཅིག་གནོད་སེམས་དང་དཀྲུག་ཤིག་ངན་པའི་དབང་གིས་སློབ་ དཔོན་གྱི་ཐུགས་ལ། ད་སུ་ལ་ཤ་མགོ་རྟིང་སློག་ན་མ་གཏོགས་འགྲིག་མ་སོང་བསམ་ནས་སུ་ལ་ཤ་ལ་སྔར་ ལས་ཀྱང་བརྩེ་བའི་རྣམ་པ་སྟོན་ནས། སུ་ལ་ཤ །ད་ངས་གདངས་ངག་ཟབ་ཤོས་དེ་སྟོན་གྱི་ཡིན། ཡིན་ནའང་། ཁྱོད་ཀྱི་སྔོན་འགྲོའི་ཆ་རྐྱེན་དུ་ཟླ་བ་གཅིག་གི་རིང་ཉིན་རེ་ཡུལ་མི་མི་ཉུང་བ་ཞིག་དམར་ཆོད་ འབུལ་དགོས་ཞེས་བཀའ་བརྩལ། སུ་ལ་ཤ་ལ་དུས་རྒྱུན་བྱམས་སྙིང་རྗེའི་སློབ་གསོ་རག་མ་མྱོང་བ་ལ་བརྟེན་ ནས། ཡིན་ཞག་གི་ཐོག་ནས་བྱ་བ་དེ་སྒྲུབ། མཐར་གཤིན་རྗེ་དམར་སྐུ་དངོས་སུ་ལྟ་བུར་གྱུར་ནས་མི་བསད་ ཁྲག་སྦྱོར་གྱི་ལས་ངན་དག་ཐབས་མེད་པ་བསགས་ནས་ཡུལ་དེ་དམྱལ་བ་ལྟ་བུར་གྱུར་ནས་ངུ་འབོད་ཀྱི་ གནས་སུ་ལྷུང་ངོ་།།
No comments:
Post a Comment